من اطرف القوانين الي مرت علي قوانين الطبيعة ومر علي كذا موقف منهم , وانتو اكيد مر عليكم واحد من هالمواقف :)
قوانين الطبيـــــــعة
قانون الاصطفاف : إذا صاف في طابور بطيء وقمت غيرته، الطابور اللي غيرته فجأة يصير يمشي أسرع من اللي انت الحين فيه !!(وايد تصير وياي)
قانون التلفون : عمرك ما تتصل على رقم بالغلط ويطلع مشغول !!
قانون التصليح : بعد ما يديـــك تتوصخ من شحم الماكينة، خشمك يبدأ يحك!!
قانون المعدات : إذا طاح من يدك أي شي، تأكد انه بيظل يتـدحرج إلى أن يوصل لألعن مكان ما تقدر تطلعه منه !!
(مثل ماطاح موبايلي بالبالوعة وانا نازلة من السيارة:( )
قانون الأعذار : إذا تأخرت عن الدوام وقلت لمديرك أن كان عندك بنشر في التاير، اليوم اللي بعده تايرك يبنشر!!
(وايد تصير وياينا احنا طلبة جامعة الكويت لمه نتاخر عن محاضرة نقول صادفنا حادث ومن باجر يصادفنا حادث ونتاخر )
قانون المغطس : بعد وضع جسمك في الماء، يبدأ التلفون يرررررن وما يسكت!!
(هاهاهاها)
قانون الالكترونيات : إذا أخذت جهاز عند مصلح تبي توريه انه ما يشتغل، حزتها يشتغل أحلى كلام !!
(صارت فيني ولمه رديت البيت هم رد مايشتغل )
قانون السينما : اللي حاجزين كراسي في النص لازم يجون آخر ناس ويدوسون على رجولك !!
قانون القهوة : أول ماتجيب لك كاس قهوة ساخن، يجي مديرك ويعطيك شغلة ما تخلص الا لما تبرد قهوتك !!
(اوف او تيي وحده تسلم علي وتقرق وتقول قصة حياتها وانا توني طالبة القهوة )
قانون المصادفات : إذا كنت مع واحد أو وحدة ماتبي حد يشوفك معهم، فجأة كل اللي تعرفهم يطلعون من كل مكان !!
اتمنى عجبكم الموضوع :>
ليست هناك تعليقات:
إرسال تعليق